Portieri i Paris Saint-Germain, italiani Gigi Donnarumma dhe partnerja e tij Alessia Elefante, u sulmuan brutalisht në shtëpinë e tyre në Paris.
Sipas informacioneve nga Actu17, të cilat më vonë u konfirmuan nga AFP, kriminelët hynë në banesë duke thyer derën, sipas një burimi të afërt me rastin. Sipas raportimeve të para, çifti ka pësuar dhunë dhe autorët janë larguar me plaçkë që vlerësohet në këtë fazë rreth 500 mijë euro.
Si portieri italian dhe partnerja e tij u lidhën dhe u mbajtën robër nga grabitësit dhe pasi u larguan, ata arritën të strehoheshin në një hotel luksoz jo shumë larg shtëpisë së tyre rreth orës 3:20 të mëngjesit. Stafi i hotelit më pas lajmëroi policinë dhe qëndroi pranë çiftit, i cili ishte në gjendje shoku. Thuhet se portieri 24-vjeçar italian dhe partnerja e tij u dërguan në spital për mjekim.
Gjithashtu, sipas mediave franceze, ka qenë i lidhur edhe kujdestari i ndërtesës ku Donnarumma jetonte me Elefanten.
Gigi Donnarumma është njohur si një nga portierët më të mirë në botë që në moshë shumë të re, pasi u vendos mes shtyllave të portës sëë Milanit që në moshën 17-vjeçare, ku luajti për gjashtë vjet. Ai tani luan për Paris Saint-Germain, ndërsa ishte një nga heronjtë e Italisë në fitoren e Euro 2020.
Partnerja e tij, Alessia Elefante është një bukuroshe italiane e cila ka mbajtur distancën nga mediat pasi nuk del shumë publike dhe nuk qëndron shumë aktive në rrjetet sociale.
E lindur më 25 maj 1999 në Itali, ajo nuk ka treguar shumë për familjen dhe fëmijërinë e saj, ndërkohë që ka qenë në një lidhje me Donnarumma-n që në fazat e hershme të karrierës së tij. /tesheshi.com/
