Përfaqësuesja e lartë e Bashkimit Evropian për politikë të jashtme dhe siguri, Federica Mogherini, ka deklaruar se pas 16 orësh të punës në finalizimin e marrëveshjeve ndërmjet Kosovës dhe Serbisë, gjatë natës së kaluar, nuk është arritur asnjë marrëveshje.
Ajo ka ndërmjetësuar në takimin e nivelit të lartë ndërmjet kryeministrit të Kosovës, Isa Mustafa, dhe atij të Serbisë, Aleksandar Vuçicc, në Bruksel.
“Siç jemi marrë vesh javën e kaluar, e thirra përsëri takimin e nivelit të lartë të dialogut për normalizim të marrëdhënieve ndërmjet Beogradit e Prishtinës, me kryeministrat, Aleksander Vuçiq dhe Isa Mustafa, në Bruksel, ditën e hënë më 29 qershor”, thuhet në deklaratën e zonjës Mogherini..
Më tutje theksohet se “pas 16 orësh të punës ne i finalizuam dy tekste të dy marrëveshjeve – në parimet e krijimit të Asociacionit/Komunitetit me shumicë serbe në komunat e Kosovës, dhe për implementimin e marrëveshjeve në fushën e telekomit”, theksohet më tutje në këtë deklaratë, dhe konstatohet se “marrëveshja finale politike muk ka mundur të arrihet”.
Zonja Mogherini thotë se “tash ne do të reflektojmë në hapat e ardhshëm”. /tesheshi.com/
