Ghassan Abu Sitta është një mjek që punon në Rripin e Gazës dhe përpiqet të ndihmojë qytetarët palestinezë të plagosur pas sulmeve izraelite.
Abu Sitta është shfaqur edhe më herët në media, kur policia izraelite ka hyrë në banesën e familjes së tij për ta kontrolluar dhe ka marrë në pyetje familjen e tij.
Më shumë se 30 mijë njerëz e ndjekin atë në rrjetin social X.com dhe ai ndan përvojat e tij me ndjekësit çdo ditë.
Kështu, pas sulmit të tmerrshëm në spitalin baptist të Gazës, Abu Sitta njoftoi se ishte atje dhe se kishte një operacion që e tronditi.
“Kam bërë operacionin tim të parë dje pasi arrita të tërhiqem pas një nate më parë. Kam operuar një vajzë pesëvjeçare të cilës i kishin vdekur nëna dhe motra. Ajo kishte plagë të mëdha në krah. Ajo dukej aq e dobët dhe aq i vetmuar. Sa herë mund të thyhet zemra?”, njoftoi doktori.
Përveç kësaj, postimi i tij se çfarë duhet përdorur në spitalet në Gaza, për të ndihmuar qindra pacientë që mbërrijnë çdo ditë, është shpërndarë edhe në rrjetet sociale.
Doktor Abu Sitta shkroi: “Uthull nga një dyqan aty pranë për të trajtuar infeksionet bakteriale të plagëve të shkaktuara nga Pseudomonas. Kjo ndodhi.”
Postimet e tij kanë një numër të madh komentesh, kryesisht pozitive, ku njerëzit e lavdërojnë atë që bën dhe e mbështesin në mënyra të ndryshme. /tesheshi.com/
