“Mësuesve do ju ndalohet hyrja në orë të mësimit me celularë, ne do ecim edhe më shumë tek nxënësit por ky është parakushti i parë”, deklaroi gruaja në krye të Arsimit gjatë një takimi në Kavajë me komunitetin e atyshëm.
Ajo foli për krizën e prekshme, atë të kuadrit të munguar arsimor, duke thënë se një reformë e mësuesisë do t’i japë frytet e veta së shpejti.
“Nuk do të lejojë më që në shkolla të shkojnë mësues pa arsimin përkatës, mësues të dobët, mësues që i zgjedh politika dhe ministrja dhe jo merita e tyre dhe nga ana tjetër ne nuk do çojmë drejt universiteteve maturantët më të dobët. Ne kemi rritur notën mesatare sivjet 7 për ata maturantë që do të zgjedhin programet e mësuesisë dhe nga ana tjetër do të mbulojmë bursat e gjithë maturantëve që zgjedhin mësuesinë me notë mesatare mbi 9”, theksoi ministrja Nikolla. /tesheshi.com/
