Pas paralajmërimit se në veri të Kosovës do të fillojë projekti i “Luginës së diellit” ku duhet të ndërtohen qindra shtëpi për serbë, me ç’rast Ministria e Ambientit reagoi duke pohuar se një projekt i tillë nevojitet të marrë lejen për ndërtim nga qeveria e shtetit të Kosovës, nuk kaloi as dy orë e ministri për Komunitete dhe Kthim, Dalibor Jevtiq për agjencinë serbe të lajmeve Tanjug deklaroi se ministria të cilën ai e udhëheq është e interesuar edhe për një projekt identik si në veri, por tash “Luginën e diellit” në jug të lumit Ibër.
Ministri Jevtiq ka deklaruar se kthimi i të shpërngulurve serbë nga Kosova nuk duhet të jetë i kuptuar si kërcënim për askënd.
Projekti “Lugina e diellit” është nënshkruar vitin e kaluar me 12 korrik në mes të ashtuquajturës zyre për Kosovë në qeverinë e Serbisë, Patriarkanës së Rashkës dhe Prizrenit dhe komunës se Zveçanit. /tesheshi.com/
