Kreu i Lëvizjes Socialiste për Integrim Ilir Meta, në një takim elektoral në Bulqizë premtoi se në vjeshtë fillon Rruga e Arbrit, e cila sipas tij do të lidhë Bulqizën me Tiranën për 40 minuta.
“Përmes kësaj rruge do i jepet fund izolimit historik të kësaj treve” -tha Meta.
Ai ftoi qytetarët që të mos humbin rastin për të marrë pjesë në zgjedhjet lokale të 21 qershorit, duke shtuar se këto nuk janë zgjedhje lokale të zakonshme që bëhen një herë në katër vjet, por se në zgjedhjet e 21 qershorit, populli shqiptar do ti japë fund një keqorganizmi administrativ e territorial prej 25 vitesh që luajti rol bllokues dhe do hapë një derë të re për administrimin territorial përmes 61 bashkitë e reja. /tesheshi.com/
