Një projekt superjahti u prezantua së fundmi në Singapor që bota nuk e ka parë kurrë më parë. Eshtë një anije kërkimore shkencore e gjatë 300 metra, e mbushur me teknologji të gjelbërta dhe që mund të strehojë 400 persona.
“Një superjaht i quajtur ‘Earth 300’ është një anije që duhet të bashkojë shkencën dhe hulumtimin në luftën kundër sfidave më të mëdha me të cilat përballet Toka“, janë fjalët nga Ivan Salas Jefferson, themeluesi i Iddes Yacht, i cili e projektoi atë.
Ky superjaht do të jetë një platformë ekstreme e teknologjisë detare për shkencën, kërkimin dhe inovacionin dhe do të përfshijë robotikë, inteligjencë artificiale dhe 22 laboratorë të shkencës më të fundit.
Mrekullia lundruese e kërkimit shkencor do të mundësohet nga i ashtuquajturi reaktor i kripës së shkrirë (MSR). Eshtë një lloj reaktori bërthamor që përdor lëndë djegëse të lëngshme (kripë të shkrirë) dhe është shumë më i sigurt se një reaktor bërthamor konvencional dhe nuk ka emisione të dëmshme.
Një nga tiparet më goditëse të “Earth 300” është qyteti i ashtuquajtur shkencë në formë sfere. Ekziston gjithashtu një kuvertë vëzhgimi dhe një e brendshme e projektuar dhe e destinuar për kërkime shkencore dhe udhëtime ekspeditë. Ky superjaht do të ketë gjithashtu një gamë të tërë nëndetësesh të përparuara.
Akomodimi në këtë superjaht është projektuar të përfshijë 160 shkencëtarë, 20 ekspertë banimi, 20 studentë, 40 mysafirë VIP (ata që mund të përballojnë një udhëtim 10-ditor në atë anije me një kosto prej 3 milion dollarësh) dhe 165 anëtarë të ekuipazhit.
Projekti “Earth 300” mbështetet nga një numër partnerësh, përfshirë IBM, RINA, Triton Submarines dhe EYOS Expeditions.
Kostot e ndërtimit vlerësohen në mes 500 milion dhe 700 milion dollarë.
Pritet të lundrojë në det në vitin 2025. /tesheshi.com/
