Media italiane i ka kushtuar një shkrim vendimit të Tiranës zyrtare për të marrë 20 nga 150 emigrantë eritreas, mbetur në një anije në brigjet e Siçilisë, të cilët Italia fqinje nuk i pranon si presion ndaj vendeve të tjera të BE-së.
“Kur eritreasit ishim ne, 26 vjet më parë, ju italianët na hapët dyert, na mikpritët në shtëpitë tuaja, na ushqyet. Sot dëshirojmë t’ju kthejmë atë të mirë, edhe pse në mënyrë modeste, duke mirëpritur 20 refugjatë të anijes Diciotti”, citohet ministri i Jashtëm Bushati, i cili pati një bisedë telefonike me homologun e Romës, Moavero Milanesi, ku i bëri me dije vendimin për marrjen e 20 frymëve njerëzore.
Megjithatë, kur ka ardhur puna për të pranuar më shumë se kaq, Corriere, gazeta e cila i ka kushtuar shkrimin aktit gjysëm politik e gjysëm human shqiptar, citon kreun e diplomacisë së Tiranës, ta konsiderojë të pamundur diçka të tillë
“Jemi kundër dhe kryeministri Rama ka qenë i qartë: ‘nuk janë përgjigjja e duhur ndaj fenomenit migrator’”, ka deklaruar Bushati.
Gazeta hedh versionin se akti i politikës shqiptare është më shumë një investim shtesë në synimin për hapjen e negociatave në qershor. /tesheshi.com/
