Dy muaj para zgjedhjeve të përgjithshme, është krijuar i pari koalicion opozitar në politikën shqiptare.
Adriatik Lapaj dhe Endri Shabani i kanë “dhënë besën” njëri-tjetrit për të qenë bashku kundër qeverisë.
Pra, lëvizja “Shqipëria Bëhet” dhe “Nisma Thurje” realizuan zyrtarisht një koalicion mes tyre për zgjedhjet e 11 majit.
Koalicioni do të quhet zyrtarisht “Nisma Shqipëria Bëhet”, ndërsa drejtues i saj do të jetë Adriatik Lapaj.
Lapaj u shpreh se emërimi i tij si drejtues do të jetë i një natyre formale, pasi koalicioni do të drejtohet nga një këshill i anëtarëve përbërës të koalicionit.
Ai shtoi se negociatat vijojnë deri në fund të afatit zyrtar për koalicionet, duke thënë se pret që edhe subjekte të tjera politike t’i bashkohen kësaj nisme.
“Kemi thënë që s’ka bashkëpunim me asnjë prej subjekteve që kanë përfaqësuar rrënimin e Shqipërisë dhe do bëjmë çdo tentativë për të punuar me subjekte që nuk bartin mëkate të 34 viteve”, tha ai.
“Dua të theksoj se jemi në negociata dhe deri në fund të afatit koalicionit do t’i bashkohen edhe subjekte të tjera”, u shpreh Lapaj.
Por a do kenë sukses politik, qoftë dhe të bashkuar kësisoj?
Përvoja e deritanishme ka treguar se të gjitha partitë e reja, lëvizje apo parti klasike, kanë dështur të ndryshojnë konfigurimin tradicional në politikën shqiptare, ngërthyer te dyshja PS-PD.
Më potentet kanë qenë qenë “Mjaft”, shndërruar në pas në G99, si dhe Lëvizja Kuq e Zi e Kreshnik Spahiut, por që asnjëra prej tyre nuk arriti të përbëjë risi të rezultate elektorale.
Kështu që, referuar kësaj përvoje të deritanishme, pak shanse ka që kjo dyshe të rinjsh, pa ndonjë aftësi të spikatur ligjërimore apo të talentit politik, të mund të bëjë ndonjë histori politike. /tesheshi.com/
