Këngëtarja Tina Turner ka vdekur në moshën 83-vjeçare, ka bërë të ditur zëdhënësi i saj.
“Tina Turner, ‘Mbretëresha e Rock’n’Roll’-it, ndërroi jetë sot e qetë në moshën 83-vjeçare pas një sëmundje të gjatë, në shtëpinë e saj pranë Zyrihut”, tha zëdhënësi në një deklaratë.
“Me vdekjen e saj, bota ka humbur një legjendë muzikore”, shtohet në deklaratë.
Tina Turner ka lindur më 26 nëntor 1939 në shtetin amerikan të Tenesit si Anna Mae Bullock.
Ajo u bë e famshme në fund të viteve 1960 si këngëtarja kryesore e Ike & Turner Revue, por më vonë fitoi famë si një artiste solo.
Gjatë karrierës së saj të pasur, ajo shiti më shumë se 180 milionë albume dhe fitoi 12 çmime Grammy. /tesheshi.com/
