Ish-bosi i mafies 61-vjeçar, Matteo Messina Denaro, i cili u arrestua në Palermo janarin e kaluar, është në një gjendje kome të pakthyeshme.
Lajmi është bërë i ditur nga mbesa e tij, e cila është edhe avokate e tij mbrojtëse. Ndër të tjera, Denaro akuzohet si organizatori i shpërthimeve që ndodhën në vitet nëntëdhjetë në Firence, Milano dhe Romë, si dhe vrasjen e dyshes së famshme të prokurorëve antimafia, Paolo Borcellino dhe Giovanni Falcone në vitin 1992.
Ai vuan prej kohësh nga kanceri i zorrës së trashë dhe kur u arrestua, ish-drejtuesi i Cosa Nostra-s ishte jashtë një klinike private në Palermo. Ai nuk u pendua për të kaluarën e tij dhe deklaroi, në fakt, se “po të mos kishte qenë i sëmurë, nuk do të ishte kapur kurrë”.
Siç u bë e ditur, duke respektuar vullnetin e tij, mjekët e ndaluan ushqyerjen me gyp.
Ai tashmë është afër kalimit në atë botë, ku pasi të sheh se ç’e pret, do donte të kthehej dhe njëherë në jetë për të mos qenë ai që është. /tesheshi.com/
