Një polic kufitar bullgar u vra në kufirin me Turqinë në një shkëmbim zjarri me emigrantët që u përpoqën të kalonin kufirin ilegalisht, sipas ministrit të Brendshëm të Bullgarisë.
Ministri Ivan Demerxhiev tha se një person i paidentifikuar ka qëlluar në një polic dhe ushtarë që patrullonin një pjesë të kufirit pranë detit Golyam Dervent.
Polici vdiq në vend, ndërsa të tjerët nuk u lënduan.
Në vendngjarje janë dërguar patrulla shtesë, por sulmuesi nuk është kapur dhe dyshohet se ndodhet në territorin e Turqisë.
Turqia premtoi se do të gjente autorin
Ministri tha se ka marrë garanci nga Turqia se sulmuesi do të gjendet dhe shtoi se patrullat kufitare do të fillojnë të përdorin një lloj tjetër arme, por nuk ka specifikuar se për çfarë bëhet fjalë.
“Patrullat përballen çdo ditë me një valë të paprecedentë refugjatësh. Rasti i mbrëmshëm ishte një akt ekstrem agresioni,” tha Demerdzhiev, raporton AP, duke shtuar se pala turke duhet të marrë një qasje aktive për zgjidhjen e problemit.
“Kam kërkuar të njëjtën gjë nga Europoli dhe Komisioni Evropian”, shtoi ai.
Bullgaria ka vendosur 350 ushtarë dhe 40 automjete ushtarake në kufirin jugor me Turqinë për të përballuar valët në rritje të emigrantëve. /tesheshi.com/
