Ambasadori Lu, nëpërmjet faqes në FB të ambasadës ka përcjellë një mesazh i cili karakterizohet, si rrallë në këto vite dhe dalë prej tij, pa asnjë “lajm” brenda. Edhe nga mungesa e theksuar e nënteksteve mes rreshtash.
“Unë besoj se Shqipëria do të hyjë në BE dhe do të doja që secili prej jush të udhëhiqte Shqipërinë drejt së ardhmes. Ju jeni të rinj, plot energji, me mendje të hapur dhe ju e doni vendin tuaj”, është ky mesazhi i Lu-së, që i referohet një takimi me të rinj gjimnazistë nga Rrësheni.
Të mësuar me deklarimet kurajoze, të prera e nxehta të tij, ku nuk mungojnë dhe fshikullimet e drejtpëedrejta ndaj emrave konkretë, kësaj here Lu është shfaqur “zhgënjyes”. Fraza e tij nuk provokon asnjë emocion politik, ndonëse mëton të jetë frymëzuese për brezin që tenton të trashëgojë këtë vend. /tesheshi.com/
