Përfaqësuesja e Brazilit në Lojërat Olimpike të Rio de Zhanejros ka patur një fillim shkatërrues, edhe pse është përcaktuar si favorite për medaljet e arta.
Futbolli brazilian nuk e ka njohur asnjëherë suksesin në olimpiada, pra, nuk ia ka dalë ta fitojë titullin olimpik. Dhe dukej se edhe kësaj radhe gjërat kishin marrë të njëjtin drejtim, teksa përfaqësuesja olimpike braziliane kishte barazuar me dy ekipe modeste, me afrikanojugorët e me irakianët.
Dy barazimet 0-0 me Afrikën e Jugut e me Irakun do ta shtonin presionin mbi skuadrën, në prag të një turpërimi tjetër dy vite pas atij të Kupës së Botës.
Mes fishkëllimave e kritikave të panumërta, futbollistët brazilianë të skuadrës olimpike kanë mundur të marrën frymë lehtësisht pasi kanë mposhtur 4-0 Danimarkën. Një fitore që i kalon në çerekfinalet e Rio 2016-tës.
Me Neymar-in në fushë, për brazilianët kanë shënuar Gabriel, Gabriel Jesus, Luan e sërish Gabriel. /tesheshi.com/
