Dalibor Jevtiq, zv. kryeministër e ministër në qeverinë “Haradinaj”, ka rikonfirmuar se Lista Serbe nuk do ta përkrahë formimin e ushtrisë ndërsa e përkrah formimin e Gjykatës Speciale.
“Në një luftë është e pamundur që vetëm njëra palë të jetë fajtore e të akuzohet për çdo gjë e pala tjetër pothuajse për asgjë. Është shumë e rëndësishme që për shkak të së ardhmes dhe bashkëjetesës, të përgjigjen me emër e mbiemër ata që kanë bërë lufte në mënyrë që gjërat të mos përgjithësohen”, ka thënë Jevtiq.
Ai nuk është përgjigjur drejtpërdrejt nëse e njeh Republikën e Kosovës ministër i të cilës është. Nga ana tjetër, politikani serb ka theksuar se rezultatet e kthimit të serbëve të shpërngulur në Kosovë janë pothuaj dëshpëruese.
“Janë të të shpërngulur 200 mijë serbë e janë kthyer vetëm 20 mijë”, ka theksuar Jevtiq. /tesheshi.com/
