Nën regjinë e Lionel Messit, Barcelona i ka mbajtur leksion Bayernit të Mynihut në ndeshjen e parë gjysmëfinale të Ligës së Kampionëve. Argjentianasi realizoi dy super gola në minutat 77’ dhe 80’, ndërkohë braziliani Neymar i dha firmën e fundit falimentimit të Bayernit.
As në ëndrrën më të keqe Pep Guardiola nuk do të kishte menduar se do të rikthehej në shtëpinë e tij. Skuadra e cila dikur drejtohej nga ai, po e poshtëronte në mënyrën më të keqe, në një ndeshje që spanjolli do ta mbajë mend shumë gjatë.
Ndeshja e kthimit do të zhvillohet pas një jave në “Alianz Arena” në Gjermani me Bayernin si vendas por me Barcelonën më afër Berlinit. /tesheshi.com/
