Jimmie Åkesson (Jimi Okeson), presidenti i Demokratëve të Suedisë (SD), një parti ultra-nacionaliste, tha disa ditë më parë në mbledhjen e “ditëve kombëtare” të partisë, e cila u mbajt në qytetin suedez të Vasteras, se ai dëshiron të ndalohen të gjitha ndërtimet e reja të xhamive dhe të prishen ato ekzistueset.
Ai sulmoi ashpër edhe socialdemokratët suedezë, duke i akuzuar se janë pjesë aktive e lëvizjes islamike në Suedi.
Kreu i SD-së tha më tej se xhamitë janë qendra të radikalizimit dhe propagandës së dhunshme.
Ata nuk kanë të drejtë të vijnë në vendin tonë dhe të ndërtojnë monumente të ideologjisë së huaj dhe imperialiste, tha Jimmie Åkesson.
SD tani kërkon ndalimin e krijimit të xhamive të reja në Suedi. Ai kërkon gjithashtu që strukturat e sigurisë dhe policia të mund të monitorojnë komunikimet, pra përgjimet e xhamive.
“Në afat të gjatë, duhet të fillojmë konfiskimin dhe rrënimin e ndërtesave të xhamive në të cilat përhapet propaganda antidemokratike, antisuedeze, homofobike ose antisemitike ose keqinformime të përgjithshme për shoqërinë suedeze”, tha kreu i SD-së.
“Minaret, kupolat, gjysmëhënës apo atribute të tjera që shërbejnë si monumente islamike në peizazhin e qytetit duhet të hiqen plotësisht”, janë fjalët e ultranacionalistit suedez, partia e të cilit po bëhet gjithnjë e më popullore dhe aktualisht, sipas shumicës së sondazheve, po fiton një numër në rritje të mbështetësve.
Në zgjedhjet e fundit, në shtator 2022, kjo parti fitoi 73 mandate në parlamentin suedez dhe është partia e dytë më e madhe për nga numri i mandateve të fituara.
Nuk ka dyshim se lideri i SD-së, i inkurajuar nga rezultatet e zgjedhjeve të Geert Wilders në Holandë, po ecën me shpejtësi në të njëjtën rrugë që e bazon politikën e tij në urrejtjen ndaj emigrantëve dhe një narrativë anti-islame.
Sigurisht, të gjitha çfarë thotë kundrejt jetës islame janë profka dhe çaprashitjeje të një mendjeje të sëmurë. /tesheshi.com/
