Deklaratat e kryeministrit të Shqipërisë Edi Rama, rreth bashkimit të Shqipërisë dhe Kosovës, janë mirepritur edhe nga liderët dhe shqiptarët e Preshevës. Ndonëse konsiderohen politike dhe duke pasur parasysh qëndrimet liderëve kosovare (Jahjaga, Thaçi) për mos ndryshim të kufijve, megjithatë tërhiqet vëmendja për shqiptarët jashtë këtyre dy shteteve.
Kështu kryetari KKSH-së Jonuz Musliu duke përshëndetur deklaratën e kryeministrit shqiptar, ka pohuar për agjencine e lajmeve “Presheva jonë” se “është momenti që deklaratat e qeveritarëve tanë për bashkim kombëtar të vihen në praktikë. Bashkimi i Kosovës me Shqipërinë është impetariv i kohës dhe se nje akt i tille nuk mund të ndodhe pa krahinen e Preshevës së cilës lideret nga Prishtina e Tirana e konsiderojnë si Kosove Lindore.”
“Bashkim i Shqipërisë dhe Kosovës, nuk mund të veprohet në kundërshitm të kartës së OKB-së dhe Helsinkit, të cilat garantojnë vetevëndosje të popujve autokton, siç jemi ne shqiptarët etnik në viset tona në Medvegjë, Bujanoc dhe Preshevë .Ky vullnet madje është shprehur edhe përmes referendumit të marsit të vitit 1992.. ” ka shtuar Musliu nga KKSH.
Nënkryetari i Komunës së Preshevës, dr. Skender Destani (BDL) duke vlerësuar deklaratën e kryeministrit shqiptar Rama, ka nënvizuar se nuk ka të keqe në shprehjen e vullnetit kombëtar, fundja vullneti i popujve etnik është konform konventave ndërkombëtare.
Para bashkimit kombëtar, lideri i DBL-së Destani, të ardhmen e Krahines së Preshvës e sheh te bashkuar në BE bashkë me Kosovën dhe Shqipërinë. Keto dy te fundit, sipas tij, duhet të përkujdesen më shumë, që shqiptarëve në Preshevë, Bujanoc dhe Medvegjë, t’u siguronin më shumë të drejta kombëtare dhe një zhvillim ekonomik me një status të avancuar, as më shumë e as më pak se ata të serbëve të Kosovës.
