Titanic-u ishte një nga anijet më madhështore të ndërtuara ndonjëherë. Të gjithë kanë dëgjuar për të, por ama filmi për fundosjen e kësaj anijeje nuk ka marrë asnjë çmim prestigjioz. Anija luksoze, e cila besohej të ishte e pathyeshme, u nis përtej Atlantikut të Veriut në prill, vetëm për të goditur një ajsberg dhe për të përfunduar në fund të oqeanit. Ama nuk ishte Titanic-u, por Titani.
Anija imagjinare Titan u fundos në faqet e librit të Morgan Robertson të vitit 1898, “Futility”, i quajtur më vonë “The Wreck of the Titan”.
“Kjo anije ishte më e madhja në sipërfaqen e oqeanit…”, me këto fjalë nis libri, duke përshkruar Titanin që ka një ngjashmëri të madhe me Titanic-un, të paktën sipas librit.
Përveç emrave të ngjashëm, ato kanë përafërsisht të njëjtën madhësi, Titanic-u është disi më i shpejtë dhe më i gjatë. I njëjti numër helikash (tre), si dhe një numër i ngjashëm varkash shpëtimi (Titan 24, Titanic 20).
Kur u zbuluan këto ngjashmëri, krijuesi i Titanit u përshëndet si parashikues. Megjithatë, ish-marinari hodhi poshtë shpejt origjinën paranormale të historisë së tij, duke pretenduar se libri lindi nga njohuritë dhe përvojat e tij të fituara gjatë udhëtimeve të ndryshme.
Ai sigurisht i dinte të gjitha këto gjëra, babai i tij ishte një kapiten anijeje dhe ai lindi në Oswego në liqenin Ontario, tha George Demas, historian i qytetit Oswego.
Si i ri, Robertson e ndoqi të atin kudo dhe ra në dashuri me detin që në moshë të vogël, duke u bërë më vonë edhe vetë marinar.
I frustruar nga pasaktësitë në tregimet dhe romanet për anijet dhe detarinë, ai vendosi të bëhej shkrimtar dhe të përçonte njohuritë e tij përmes tregimeve interesante.
Pavarësisht nga kaq shumë ngjashmëri, megjithatë, ka dallime të shumta midis Titanic-ut dhe Titanit, si për shembull një oficer i dehur që lufton një ari polar në një ajsberg, i cili ekziston në libër dhe nuk është i pranishëm në historinë e Titanic-ut.
“Futility” ishte e shtypur në kohën kur Titanic-u u mbyt, ndaj libri u ringjall në interesin e lexuesve dhe Robertson arriti të shijinte pak nga paratë prej tij. Pavarësisht një karriere të pasur, me më shumë se 200 tregime dhe 14 libra, ai përfundoi në mjerim dhe vdiq në vitin 1915. /tesheshi.com/
