Lojtari më i mirë i padiskutueshëm i vitit 2020 nuk e fitoi Topin e Artë për shkak se nuk ia dhuroi France Football, edhe pse të gjithë, madje dhe fituesi Leo Messi, ishin në bindje se ai e meritonte. Pak ditë më pare, polaku, i më i madh pas Bonjekut të famshëm të viteve 80-të, përfundoi i dyti në votimin për çmimin individual më prestigjioz në botën e futbollit.
Dhe, me të ndalur polemikat, golashënuesi i madh është “hapur”.
“Jam i trishtuar, nuk dua të fshihem. Këtu nuk janë ditët më të mira për mua, nuk jam i lumtur, përkundrazi,” tha Lewandowski, dhe ky nën bindjen se e meritonte Topin e Artë për performancën e tij të shkëlqyer me klubin bavarez.
“Kur je kaq afër dhe kur lufton për një shpërblim me një lojtar si Messi, kur dëgjon komentet e njerëzve që i kam merituar… Është bukur, por…
Sigurisht që e respektoj Messin, nivelin në të cilin ai luan dhe gjithçka që ai ka arritur.
Kur jam afër tij dhe kur ka polemika për këtë, kjo tregon se cili është niveli im.
E gjithë kjo më bën krenar, por ndjej trishtim, i cili zgjati më shumë se një ose dy ditë,” tha Lewandowski për mediat e vendit të tij.
Edhe Messi u tregua modest dhe i përulur kur tha në ceremoni se Leëandoëski e meritonte Topin e Artë në vitin 2020. /tesheshi.com/
