Alban Meha dhe Eros Grezda kanë luajtuar rolin e “bomberave” këtë fundjavë, pasi kanë realizuar golat që u kanë dhënë triumfin skuadrave të tyre respektive.
Mesfushori i kuqezinjve, Alban Meha ka shënuar një supergol katër minuta para mbylljes së sfidës, që skuadra e tij Konyaspor e zhvilloi ndaj Eksisehirspor në kampionatin turk. Goditja e ekzekutuar në mënyrë briliante nga Meha përfundoi në rrjetë për t`i dhënë triumfin e rradhës skuadrës së tij.
Në Kroacinë e mbushur tashmë me shqiptarë ka shkëlqyer futbollisti Eros Grezda. Mesfushori me prejardhje nga Gjakova ka realizuar dy gola në triumfin e skuadrës së tij, Lokomotiva Zagreb në duel me NK Zagreb. Me nga një gol në secilën pjesë, Grezda hap llogarinë e rrjetave në këtë edicion garash.
Nga minuta e parë në fushë i pranishëm ishte edhe Herdi Prenga. Mbrojtësi i kombëtares së Shpresave po kalon në një formë të mirë këtë edicion tek skuadra e Lokomotivës, e cila është kandidae për të dalë këtë edicion në garat europiane.
Ndeshjen nga fillimi e nisi si gjithnjë edhe Amir Rrahmani me skuadrën e tij RNK Split, që këtë fundjavë barazoi 1-1 me skuadrën Istria.
Berat Gjimshiti ka shënuar një tjetër gol në kampionatin zvicerian. Mbrojtësi i kombëtares shqiptare, ka qëlluar në portën e Luganos për t`i ndihmuar skuadrës së tij Zurich të regjistrojë fitoren e rradhës. Gjimshiti realizoi golin e dytë në ndeshje, ku Zurich e fitoi 5-3.
Amir Abrashi, mesfushori i kuqezinjëve ka lënë mbrapa lëndimin e pësuar javë më parë dhe ka qenë titullarë në ndeshjen mes Freiburgut dhe Paderbornit që përfundoi me fitoren e vendasve 4-1.
25-vjeçari ishte titullar si gjithnjë për Freiburgun dhe ka shkëlqyer në mbrojtje, por edhe në sul, duke dhënë një asist tek goli i tretë.
Në Itali, Elseid Hysaj stabil si gjithnjë me skuadrën e tij, Napoli që merr një fitore të mundimshme në Verona. Mbrojtësi shkodran u ndëshkua me karton të verdhë në minutën e 53-të të ndeshjes, por që nuk rrezikoi më shumë për skuadrën e tij.
Ledian Memushaj i rikthehet golit me Peskarën në Serinë B italiane. Mesfushori i Kombëtares shqiptare shënoi në triumfin e djeshëm që skuadra e tij arriti në shtëpi kundër Avelinos me shifrat 3-2. Memushaj hapi serinë e golave në minutën e 38-të, teksa goditi saktë nga pika e bardhë e penalltisë. /tesheshi.com/
