Ministri i Jashtëm rus Sergei Lavrov tha se Perëndimi ka standarde të dyfishta në lidhje me Rusinë dhe Ukrainën, duke iu referuar sërish Kosovës dhe bombardimit të NATO-s mbi Serbi.
Ai tha, duke folur për situatën në Ukrainë, se (ky vend) ishte një kërcënim për kulturën, fenë, gjuhën ruse dhe se për këtë arsye Moska reagoi.
Lavrov shtoi se “Perëndimi bombardoi Jugosllavinë” për ta thyer atë. Ai shpjegoi se në atë kohë Perëndimi i përkrahte shqiptarët në Kosovë.
“Pse për shqiptarët në Kosovë duhej lejuar kjo dhe për rusët në Ukrainë jo?”, pyeti Lavrov, pa sjellë deri më tani ndonjë fakt të persekutimit ukrainas mbi filorusët në këtë vend.
Një pyetje të ngjashme shpesh e bëjnë Milorad Dodik, Aleksandar Vuçiç, Aleksandar Vulin dhe politikanë të tjerë serbë, shkrujnë mediat e rajonit, duke veçuar faktin se rusët tashmë kanë filluar të realizojnë parimin e përshkruar “kur shqiptarët munden në Kosovë, ne mundemi në Ukrainë”.
Politika e Serbisë së Madhe pret me padurim të zbatojë të njëjtin parim në Bosnjë, d.m.th. me Republika Srpska, ku rusët mund të prezantojnë një frazë të re: “Nëse e mundur Ukrainë, e mundur dhe në Bosnje”. /tesheshi.com/
