Precedenti i zgjedhjes së Arta Markut në krye të Prokurorisë së Përgjithshem si Kryeprokurore e Përkohshme, kjo pas përfundimit të mandatit të Adriatik Llallës, duket se po përsëritet dhe në rastin kur mazhoranca votoi dy anëtare të reja të Gjykatës Kushtetuese, duke e çuar në 5 numrin e të emëruarve në këtë gjykatë, e mezipritur dhe nga faktori ndërkombëtar. Elsa Toksa dhe Fiona Papajorgji u votuan me mbi 100 vota në parlament, por fronti opozitar, PD e President, e kanë quajtur si antikushtetuese këtë votim të dy emrave. Shkak janë bërë disa aspekte proceduriale, por që mazhoranca shprehu bindjen se gjithçka është “ok” me votimin.
Ulsi Manja, kreu i komisionit të ligjeve, tha se Tre anëtarë i emëron presidenti, tre Kuvendi dhe tre Gjykata e Lartë. Nëse ata nuk e ushtrojnë këtë kompetencë, kandidati i renditur i pari në listën e KED zgjidhet automatikisht. Ligji thotë se në rast se presidenti brenda 30 ditëve që kur ka marrë këtë listë nuk e ushtron këtë të drejtë, kandidati i parë emërohet automatikisht. Presidenti ka marrë dy lista. Deri në datën 7 nëntor duhet të kishte emëruar dy anëtarë. Ka dekretuar Besnik Muçin ndërsa për anëtarin e dytë i ka dërguar një letër KED. Dekretimin do ta bëj sipas radhës, një Presidenti, një Kuvendi dhe një Gjykata e Lartë. Radhën e ka përcaktuar Kushtetuta për të shmangur konlfiktin mes institucioneve por nuk përcakton se kush duhet të veprojë i pari. Radha është përcaktuar sepse ka pasur në konsideratë përtërijtjen normale të Kushtetueses. Por nuk jemi në kushte normale. Gjykata Kushtetuese mbeti vetëm me një anëtar”, tha Manja.
Nga Presidenca u reagua duke thënë ironikisht se nuk ka “asgjë të re nga Ramaforma”, fjalë këto nga zëdhënësi, që shtoi se Meta ndodhet në Paris e se kur të kthehet edhe do shprehet.
Nga PD, nr.2 Gazmend Bardhi tha se kemi të bëjmë më një puç kushtuetues.
“Nuk ka asnjë situatë të jashtëzakonshme që radha e përzgjedhjes që ka përcaktuar Kushtetuta të mos respektohet. Mungon vetëm Gjykata e Lartë, që është një rrethanë e pavarur nga vullneti i Kuvendit dhe i Presidentit. Prandaj edhe radha që ka caktuar Kushtetuta, për Presidentin dhe Kuvendin, është e detyrueshme të zbatohet”, tha Bardhi.
Nga ana tjetër, faktori ndërkombëtar, BE dhe SHBA, përshëndetën votimin e dy emrave të rinj për Kushtetuesen. “Sot Parlamenti zgjodhi dy anëtarë të rinj të Gjykatës Kushtetuese. Ne e mirëpresim këtë vendim dhe presim krijimin e një Gjykatë funksionale sa më shpejt që të jetë e mundur. Zbatimi i reformës në drejtësi vazhdon dhe është thelbësor për Shqipërinë në rrugën e saj të integrimit në BE”, u nga nga Zyra e BE-së në Tiranë.
“Prej votimit unanim të reformës në drejtësi në 2016-ën, institucionet shqiptare, përfshirë edhe organet e reja të pavarura të gjyqësorit, kanë punuar fort për të përmbushur vullnetin e popullit. Votimi i sotëm i Parlamentit çon Shqipërinë përpara në ringritjen e Gjykatës Kushtetuese, një organ jetësor për llogaridhënien dhe ekuilibrat demokratike. Shtetet e Bashkuara mbeten të përkushtuara për të mbështetur ngritjen e një sistemi gjyqësor të pavarur dhe të ndershëm në Shqipëri”, u tha nga Ambasada Amerikane. /tesheshi.com/
