Orë pasi u shfaq si pleqtë e Krujës në Krujë, me xhamadan e qeleshe, Berisha u shfaq më pas me një kapele në kokë me numrin 1.
Krejt panatyrshëm për tipoligjinë që përfaqëson, ai sa duket se po imitonte Trump-in po aq duket se
po imitonte dhe vetë kundërtshtarin e tij të drejtpërdrejt, Ramën.
Ky i fundit po përdor kapele pothuajse në të gjitha fushatat e fundit, duke sigluar te ajo numrin që i bie të jetë në fletën e votimit. Pra, ndërsa Rama e ka në tipologji lojën me imazhin, Berisha ka qenë e kundërta, i varfër e pa risi, një konservator në këtë aspekt.
A do të ketë ndikim në votë kapelja e tij? Vështirë të thuhet se po. Janë dy tipologji politike të provuara
tashmë në elektorat, ku nuk pritet të ketë të papritura. Rama ka patur gjithnjë një avantazh të dukshëm, gjë që e tregon bilanci i tyre i përballjeve politike. Dhe kjo, sepse elektorati ka preferuar eklektizimin kontravers të Ramës në imazh e ligjërim, mbi rëndomësinë edhe kontraverse të Berishës po ashtu në imazh e ligjërim.
Po qeleshja? Po, ajo i shkon. Duket më i natyrshëm. Pse? Sepse ishte një detaj i trashëgimisë së tij krahinore e psikologjike. Në politikë ai ka qenë e mbetet folklorik. /tesheshi.com/
