Kryeministri i Kosovës Albin Kurti tha se në raportet me Serbinë, çështja e të pagjeturve do të jetë përparësi.
“Padyshim që në raportin me Serbinë e kemi priroritet çështjen e të pagjetueve dhe krimeve të kryera gjatë luftës, pasi nuk mund të kemi ardhmëri, paqe, drejtësi dhe progres nëse nuk i trajtojmë këto krime makabre që janë kryer mbi popullin tonë”, argumentoi ai gjatë homazheve te Kompleksi Memorial në Krushë të Madhe, aty ku ka ndodhur një nga ngjarjet më të rënda të luftës në Kosovë.
Krah Kurtit ishte dhe deputetja Vjosa Osmani, e cila pret të bëhet presidente e Kosovës nga Vetëvendosja.
“Nuk mund të ketë paqe të qëndrueshme e po ashtu liria dhe pavarësia e shtetit tonë nuk ka as kuptim pa pasur drejtësi për viktimat e regjimit gjenocidal serb”, tha Osmani.
Fshati Krushë e Madhe ka qenë njëri ndër zonat më të goditura nga lufta në Kosovë më vitet 1998-99.
Një aksioni i forcave policore e ushtarake serbe në këtë fshat nisi më 25 dhe zgjati deri më 27 mars të vitit 1999, ku si pasojë u vranë 243 qytetarë, nga ta shtatë fëmijë, pesë gra (njëra shtatzënë) dhe kanë mbijetuar 25 të plagosur rëndë. Ende vazhdojnë të jenë të pagjetur edhe 64 persona nga ky fshat, sipas REL.
Sipas autoriteteve në Kosovë, të pagjetur vazhdojnë të jenë edhe rreth 1,600 persona, kryesisht shqiptarë. /tesheshi.com/
