Policia në Finlandë ka njoftuar se djegia publike e librit të shenjtë islam të Kur;anit nuk do të lejohet në vend, raportojnë mediat lokale. Ky vendim është në kundërshtim me qëndrimin e autoriteteve suedeze, të cilët e cilësuan djegien si liri të fjalës.
Departamenti i policisë së shtetit tha se djegia e një kopje të Kur’anit do të shkelte paqen fetare, e cila është një vepër e dënueshme në Finlandë, raportoi media, duke cituar agjencinë finlandeze të lajmeve STT.
Djegia publike ose përdhosje tjetër e një libri të konsideruar të shenjtë nga komuniteti fetar do të shkaktojë ndërhyrje, shtoi policia.
Kështu, Finlanda vendos të tregojë mençuri dhe dinjitet në raport me fqinjët e saj, sidomos Suedinë, që lejojnë marrëzira me kosto të lartë politike e shoqërore në emër të lirisë së fjalës.
Nga ana tjetër, ka ardhur një reagim nga BE lidhur me gjestin e ulët në Suedi, ku në emër të lirisë së fjalës, një ekstremisti si Rasmus Paludan uu dha leje që të djegë Kur’anin, madje para ambasadës turke, me pafuqinë, ose sofizimin “demokratik” të shtetit nordik për të mos me penguar dot.
Autoritetet suedeze duhet të ndërmarrin hapa në lidhje me djegien e një kopje të Kur’anit, librit të shenjtë mysliman, në Suedi, tha zëdhënësi i Komisionit Evropian, Johannes Bahrke.
Ai në konferencën për shtyp tha se veprime të tilla nuk janë në përputhje me vlerat mbi të cilat bazohet BE-ja.
Bahrke tha se racizmi, ksenofobia, urrejtja racore dhe fetare “nuk kanë vend në Bashkimin Evropian”. /tesheshi.com/
