Kur jetëgjati nuk bëhet jetëshkurtër, shpëtohet pas 8 ditësh nën rrënoja buri 101 vjeç në Nepal

Një burrë i moshës 101 vjeçare i ka shpëtuar tërmetit të fuqishëm pas 8 ditësh qëndrimi nën rrënoja. Duket tërësisht e pabesueshme, por ekipet e shpëtimit, të shtunën kanë nxjerrë nga gërmadhat e shtëpisë së tij 101-vjeçarin Funchu Tamang.

Agjencia e lajmeve AFP njofton se plaku 101-vjeçar është nxjerrë nga rrënojat një javë pas tërmetit katastrofik dhe pas deklaratës së autoriteteve nepaleze se nuk ka gjasa më për të mbijetuar.

Ai është transportuar për në spital, ku edhe ndodhet jashtë rrezikut për jetën. Përveç tij, sot janë shpëtuar edhe tre persona të tjerë, dy gra dhe një mashkull, njoftoi policia.

“Në fshatin Kerabari kemi zbuluar dhe shpëtuar katër persona”, deklaroi një polic në detyrë në rajonin Sindhupalchowk./tesheshi.com/