Ridel sërish në skenë emri i Dritan Priftit, njeriut kyç në disa zhvillime politike të viteve të fundit. Prej kohësh ai nuk shfaqet më dhe duket sikur është tërhequr përfundimisht nga politika, derisa nuk aderon më në asnjë parti. Por emri i tij nuk mungon si aksioner në disa biznese.
Dritan Prifti hyn në politikë aty mes viteve 2001-2002, si drejtor i KESH-it, ardhur nga studimet në Harvard. Ai merr në dorë pra Korporatën Elektroenergjitike në një moment të vështirë të saj, si në aspektin e furnizimit të popullatës me energji e si në atë të bilanceve financiare.
Por më shumë se si menaxher, do afirmohej si politikan aktiv në zhvillimet brenda PS-së, duke u rreshtuar në krah të Metës kundër Nanos. Madje këtë të fundit e ka akuzuar për një aferë të rëndë 1-milionëshe (dollarë), e cila mbeti vetëm një akuzë në kuadër të luftës brenda llojit në PS. Fill pasi largimit të Metës dhe themelimit prej tij të LSI-së, Dritan Prifti ishte një ndër krerët e kësaj force.
Ai do vihej në epiqendër të zhvillimeve politike pas 28 qershorit, ditës së zgjedhjeve në 2009, ku u bë kumbar i një aleance mes Berishës e Metës për të qeverisur bashkë për 4 vjet.
Në qeverinë e re, ai morri Ministrinë e Energjitikës. Por kjo nuk do zgjaste shumë, pasi Prifti u largua nga kjo ministre duke e pasuar aktin e tij me publikimin e një video, nëpërmjet së cilës akuzonte ish-mikun e tij Ilir Meta për korrupsion. Akti i tij u duk mjaft ideal, gjë të cilën e shfrytëzoi më pas dhe opozita duke organizuar 21 janarin e famshëm. Por më pas, u pa se dhe vetë Prifti nuk ishte aq i pastër, pasi një pakujdesi në pamjet filmike, kishte nxjerrë me plot dyshime për afera dhe vetë Priftin.
Me të dyve, do niste nja valë akuzash në distancë, ndërkohë që Prifti po rregullonte gjuhën për Edi Ramën, duke dhënë të kuptuar se po riafrohej në PS. Dhe kur ndodhi aleanca PS-PD, kjo nuk u prit mirë nga Prifti, që gjithsesi nuk reagonte aq ashpërsisht si më parë. “Zëri” i tij politik erdhi dhe u mek deri në shuarje totale. Por së fundi, emri i tij ridel në skenë gjatë debateve të nxehta në përlament, ku aludohet se së bashku me Tom Doshin kanë sajuar lojën për një atentat ndaj Doshit të urdhëruar nga Meta.
Kujtojmë që Prifti e Doshi janë bashkëaksionerë në një pulari. /tesheshi.com/
