Afera e “përgjimeve”, bëri që t’kalojë në heshtje ligji për Policinë, të cilin ditë më parë e miratoi Parlamenti i Maqedonisë. Një ndër pikat e diskutueshme të ligjit në fjalë, është leja për përdorimin e plumbave të gomës, shok-bombave si dhe pistoletave elektrike, gjatë protestave në të cilat demonstruesit shfaqen të dhunshëm dhe refuzojnë urdhrat e policisë që t’shpërndahen.
Ndërkohë, në rrjetet sociale është shpërndarë listë me emrat e deputetëve të cilët kanë votuar ligjin, listë kjo e marrë nga shërbimet e Parlamentit.
Aktivistët, për portalin tesheshi.com, shprehin dyshimet që kanë:
“Momenti i miratimit vjen në kohë kur shteti u ballafaqua me protesta masive për rastin “Monstra”, protesta të studentëve, gazetarëve dhe punonjësve me honorare, prandaj ne këtu shohim tendencë të shtetit për të dërguar mesazh se me çka do të ballafaqohen në të ardhmen protestuesit”, thotë aktivisti Artan Sadiku.
“Pushtetmbajtësit duhet ta kenë të qartë, se as plumbat e gomës, e as mjetet e tjera të dhunës nuk do të mund t’u ndihmojnë kundër mllefit të popullit, poqese vazhdojnë rrugës së krimit dhe shkatërrimit të mbarë shoqërisë, thotë aktivisti jetër, Petrit Saraqini. /tesheshi.com/