Ka reaguar kryeministri Rama pas zhvillimeve të sotme në parlament, ku gjithçka u përqëndrua tek tek replikat mes ish-kryeministrit Berisha dhe kryeparlamentarit Meta. Ai ka thënë se gjithçka është një shfaqje e ulët mes një tufe politikejsh dhe rrugeçësh, që sipas po tentojnë të përfitojnë nga njëri-tjetri. Rama tha se koston më të madhe e merr populli në këto lloj zhvillimesh e kjo lloj politike, duke pritur që aty të flitet vetëm për reformat e zgjedhjen e qindra problemeve sociale të trashëguara. Rama i ka kujtuar opozitës se dje në pushtet, la pa zbardhur me disa dosje të bujshme krimi. Ja ç`tha konkretisht, pasi u pyet nga gazetarët:
“Sot ish-kryeministri na dha hapur atë që në fakt ka qenë për të gjitha vitet e qeverisjes së tij, standarti i tij.
Pra, një njeri në krye të shtetit që i mbyll gojën prokurorisë, dhe që sot ka lënë pa përgjigje 21 janarin dhe shumë e shumë drama dhe skandale të tjera korruptive.
Ne kemi një standard tjetër, atë të punëve të ndara.
I takon drejtësisë, prokurorisë, të zbardhë të vërtetën e kësaj farse që na turpëron të gjithëve, sepse merreni me mend se çfarë dëgjojnë partnerët ndërkombëtarë.
Ministri i Brendshëm nuk ngriti akuza dje, por ç’montoi farsën e ngritur.
Pavarësisht personave të përfshirë nga opozita, ne nuk kërkuam të përfitojmë, por kemi vendosur t’ia lëmë prokurorisë deri në fund”. /tesheshi.com/
