Kujdes: ja kur duhet ta lani fytyrën

Lëkura e fytyrës ndryshe mund të cilësohet si dhe më delikatja ndër pjesët e trupit, prandaj është e rëndësishme që të bëjmë kujdes në larjen e saj.

Dermatologët sugjerojnë se për lëkurë më të mirë, fytyrën duhet ta lash vetëm një herë në ditë dhe vetëm në mbrëmje, para se të flesh. Miti për larjen e fytyrës dy herë në ditë, në të vërtetë nuk është i nevojshëm për pjesën më të madhe të njerëzve.

Është vetëm një ide e keqe. Sipas “The Wall Street Journal”, kjo e ka një shpjegim: “Nëse nuk ke probleme me lëkurën e fytyrës, si p.sh puçrra, dermatologët theksojnë se duhet ta lash vetëm një herë në ditë – në mbrëmje”.

Pastrimi i fytyrës gjatë darkës heq make up-in, yndyrën dhe të gjitha papastërtitë e mbledhura gjatë ditës në lëkurë. Larja dy herë në ditë mund të shkaktojë tharje të lëkurës, një problem që me kalimin e kohës, jo vetëm për femrat, por edhe për meshkujt, mund të shpejtojë procesin e rrudhave.

Natyrisht, çdokush ka rutinën e vet të përditshme dhe gjithçka e përshtat sipas nevojave të veta, por këshilla e dermatologëve të duhet marrë parasysh edhe sepse nga anketat e kryera prej tyre, rezultoi se njerëzit që e lanin fytyrën dy herë në ditë apo më shumë, kishin më shumë rrudha dhe lëkurë më të thatë se pjesa tjetër (me të njëjtën moshë) që e lante vetëm një herë./tesheshi.com/