Dhëndëri i Berishës, Jamambër Malltezi, nuk do vijojë të kalojë ditë në qeli; ai rikthehet në shtëpinë e tij, pasi Gjykata e Posaçme e Apelit për Korrupsionin dhe Krimin e Organizuar vendosi lirimin nga burgu.
Ndaj tij është caktuar masa e “arrest shtëpie” thënë zyrtarisht: “Caktimin e masës së sigurimit personal me efekt shtrëngues ‘Arrest në shtëpi’ ndaj të hetuarit J.M., duke e urdhëruar atë të mos largohet nga banesa e tij e ndodhur në adresën {…} si dhe të mos komunikojë me persona të tjerë me përjashtim të atyre që banojnë në të njëjtën banesë me të.
Urdhërohet lirimi nga ambientet e paraburgimit it ë hetuarit J.M., në rast se nuk mbahet për ndonjë shkak tjetër.
Urdhërohet Prokuroria e Posaçme kundër Korrupsionit dhe Krimit të Organizuar, policia gjyqësore pranë saj, si dhe policia gjyqësore pranë Drejtorisë Vendore të Policisë Tiranë për ekzekutimin e këtij vendimi dhe kontrollimin e zbatimit të urdhrave të dhëna të hetuarit nga kjo gjykatë”.
Kështu, arrestimi i bujshëm i para pak javëve lidhur me aferën “Partizani”, i cili preku direkt dhe indirekt edhe vjehrin e tij ish-kryeministër, tashmë është zbehur me këtë vendim të fundit që shtëpinë ia kthen në qeli.
Këtë fat nuk e kanë patur deri më tani asnjë prej emrave VIP të politikës të arrestuar nga SPAK, pra qoftë dhe kalimin në arrest shtëpie.
Ndërkohë, masa e sigurisë për Sali Berishën nuk ka ndryshuar, pavarësisht faktit se ai nuk paraqitet në SPAK. /tesheshi.com/
