Mike Pompeo, kreu aktual i CIA-s dhe Sekretari i emëruar i Shtetit ka deklaruar në senat se gjatë Pashkëve ai ka zhvilluar një takim sekret me kreun e Koresë së Veriut, Kim Jong-un.
Lajmin e bën të ditur Washington Post, duke shtuar se takimi i njeriut të besuar të presidentit të SHBA-së dhe kreut të Phenianit është kryer në kuadër të përgatitjes së takimit të nivelit të lartë ndërmjet Donald Trump dhe Kim-it.
Në këtë takim është parashikuar që të arrihet një marrëveshje e nivelit të lartë ku Korea e Veriut të heqë dorë nga armët bërthamore.
Ky është kontakti i parë ndërmjet një zyrtari të lartë të Uashingtonit dhe Phenianit që nga viti 2000, kur Sekretarja e Shtetit e asaj kohe, Madleine Allbright takoi Kim Jong-Il, babain e Kim Jong-un.
Takimi mes Trumpit dhe kreut të Koresë së Veriut pritet të zhvillohet në korrik. /tesheshi.com/
