KQZ nuk është frenuar aspak për t’i dhënë mandatin Fredi Belerit, njeriut që fitoi Himarën në zgjedhjet e 14 majit përballë Jorgo Goros, i cili është pas hekurash nën akuzën e blerjes së votave. Kështu, zyrtarisht Beleri është kryetar i mandatuar i Bashkisë së Himarës, por me gjasë nuk do e gëzojë, pasi mund të shkarkohet nga qeveria nëse dënohet nga drejtësia. Më pas Himara shkon pashmangshmërisht në zgjedhje të pjesshme.
Beleri ishte kandidat nga koalicioni “Bashkë Fitojmë”, pra nga dyshja Berisha-Meta, të cilat prishën paktin politik të vitit 2000 për të mos kandiduar asnjë emër me prirje filogreke në Himarë.
Fitorja e Belerit bëhet akoma dhe më e rëndë nga fakti se ajo i dedikohet 500 votave labe(Dukat, Vranisht, Tërbaç e Bolenë) e jo 2000 votave të të ardhurve nga Greqia aspostafat për Belerin. /tesheshi.com/
