Ish-luftëtari i UÇK-së nga Shqipëria, Dritan Goxhaj, tha në Euroneës Albania se është turp që të njihet si datë e çlirimit të Kosovës 12 qershori, aty ku sipas tij, të parët që hynë në Kosovë ishi trupat ruse.
“Çlirimi ka ndodhur në datë 10 qershor, më 12 qershor për mua është turp që parlamenti i Kosovës dhe qeveria e Kosovës festojnë të gjithë datën 12 qershor e cila është data e trupave ruse në Kosovë. Në 12 qershor janë futur trupat e parë ruse në Kosovë”, arsyetoi Goxhaj.
Po cila datë duhet të qe sipas tij ajo e çlrimit të Kosovës?
“Duhet të festohet data 10 qershor. Kjo është data kur marrëveshja e Kumanovës ka hyrë në fuqi, data kur komando ushtarake e KFOR dha urdhër për ndërprerjen e i operacioneve luftarake, është data kur shtabi i përgjithshëm i UÇK-së dha urdhër për ndërprerjen e operacioneve luftarake dhe në 10 qershor forcat serbe nënshkruan kapitullimin e tyre. Normalisht data e kapitullimit është data e çlirimit.
Gjithashtu data 10 qershor është një datë historike pasi në datë 10 qershor të ’98-ës është themeluar shtabi i përgjithshëm i UÇK. Kjo datë përkon edhe me 10 qershorin e 1878 të Lidhjes së Prizrenit. Pra është një datë historike e cila është e turpshme të anashkalohet në këtë mënyrë”, tha Dritan Goxhaj. /tesheshi.com/
