Aktorja e njohur si dhe aktivistja në mbrojtje të refugjatëve, Angelina Jolie, kërkoi përfshirjen e grave në bisedimet e paqes për t’i dhënë fund konfliktit në Afganistan, e kjo gjatë një fjalimi në Kombet e Bashkuara të premten.
Ajo iu referuar bisedimeve të paqes të nisura midis zyrtarëve të SHBA dhe talebanëve, kur deklaroi se “në Afganistan mijëra gra kanë reaguar kohët e fundit në publik duke rrezikuar jetën e tyre për të kërkuar që të drejtat e tyre dhe të drejtat e fëmijëve të tyre të garantohen në bisedimet e paqes”.
“Dhe përgjigjja e heshtur e komunitetit ndërkombëtar është alarmante”, tha Jolie, duk,e theksuar se në bisedime nuk ka asnjë grua
“Nuk mund të ketë paqe apo stabilitet në Afganistan apo kudo tjetër në botë, që përfshin tregtimin e të drejtave të grave”, theksoi ajo.
Jolie shpalli gjithashtu rëndësinë e Amerike që është “pjesë e një bashkësie ndërkombëtare”, pas një tërheqjeje të presidentit Trump nga agjencitë e U.N. dhe disa marrëveshje globale.
“Unë jam një patriote, e dua vendin tim dhe dua ta shoh atë të lulëzojë, e besoj edhe në një Amerikë që është pjesë e një bashkësie ndërkombëtare. Vendet që punojnë së bashku në mënyrë të barabartë mundësojnë zvogëlimin e rrezikut të konflikteve”, tha ajo.
“Një vend që beson se të gjithë burrat dhe gratë janë të lindur të lirë dhe të barabartë, nuk mund të jetë i vërtetë ndaj vetvetes nëse nuk i mbron këto parime për të gjithë njerëzit, kudo që jetojnë”, tha Jolie. /tesheshi.com/
