Nga Musa Mustafa
Nipat dhe gruaja e Kryetarit të Komunës së Vushtrrisë Bajram Mulaku të mërkurën kanë shpëtuar jetën atij, pasi që kërcënuesi me makinë kishte bllokuar rrugën.
Kryetari i komunës së Vushtrrisë, Bajram Mulaku, sot në mëngjes është kërcënuar me kallashnikov nga një qytetar, derisa ai po shkon punë.
Kërcënimin ndaj të parit të Vushtrrisë e ka konfirmuar policia në Mitrovicë si dhe zyrtari për informim i Komunës.
Zëdhënësi i policisë së rajonit të Mitrovicës Avni Zahiti ka theksuar se Kryetari i komunës së Vushtrrisë është kërcuar sot në mëngjes nga një person që po barte edhe armë zjarri me vete. Policia pas marrjes së njoftimit ka reaguar dhe më këtë rast ka arrestuar dy persona ndaje të cilëve është caktuar edhe masa e ndalimit 48 orësh.
Përveç kërcimit dy personat kanë kryer edhe vepra të tjera penale si armëmbajtje pa leje dhe sulm ndaj personit zyrtarë.
Kërcënimin me kallashnikov e ka konfirmuar vet kryetari Mulaku, i cili ka treguar se edhe më herët është kërcënuar nga i njëjti person, i cili i kishte kërkuar punësim si drejtor, madje jo në institucionin e komunës, por në Qendrën e regjistrimit civil dhe të automjeteve në Vushtrri, e cila menaxhohet nga Ministria e Punëve të Brendshme.
“Sot në ora 7:50 M. M më ka dalë në rrugën, ku me veturë ia ka bllokuar rrugën veturës time zyrtare, me ç’rast ma ka drejtuar Kallashnikovin ku më ka kërcënuar me vrasje” ka thënë Mulaku për veriu.info.
Në veturë me mua përveç shoferit, kanë qenë gruaja dhe dy fëmijët e djalit, të cilët përgjatë rrugës për në komunë kam pasur t’i lë në kopshtin e fëmijëve ‘Diari’.
Kërcënuesi më ka thënë se i paske fëmijët me veti se në vend të kisha vrarë”, rrëfen Mulaku.
I pari i Vushtrrisë tregon se kërcënuesi i ka kërkuar ta realizoj një kinse marrëveshje për të cilin ai thotë se nuk ka ekzistuar asnjëherë. “Kërcënuesi më ka thënë nëse e lajmëroj rastin në polici, kam me t’i vrarë djemtë”, thotë Mulaku.
E gjithë ngjarja terrorizuese ndaj kryetarit Mulaku dhe familjes së tij, ka zgjatur rreth 5 minuta, ku më pas vetura e kryetarit është tërhequr prapa për shkak të bllokadës dhe kërcënimit që ia ka bërë kërcënuesi. /tesheshi.com/
