Dy shtetas banues në Maqedoni u kapën në pikën e kalimit kufitar në portin e Durrësit, pasi janë shpallur si persona të shumëkërkuar nga autoritetet maqedonase.
“Specialistët e Drejtorisë Rajonale për Kufirin dhe Migracionin Durrës mbrëmjen e djeshme, në Pikën e Kalimit Kufitar Port- Durrës kanë bërë të mundur kapjen e dy shtetasve të shpallur në kërkim ndërkombëtar nga autoritetet maqedonase.
Shtetasit e arrestuar janë A. H 30 vjeç, dhe A.B 33 vjeç, banues në Maqedoni.
Prokuroria e Gostivarit/ Maqedoni, më datë 10.07.2017, me Vendim Nr.KO1 br.144/17 ka nxjerrë urdhër arresti me burg ndaj shtetasve të mësipërm për veprën penale” Vjedhje me armë” sipas nenit 237 të Kodit Penal Maqedonas”, thuhet në njoftimin zyrtar të policisë së Durrësit./tesheshi.com/
