Të premten, kapiteni i skuadrës angleze të futbollit, Harry Kane, duhet të konfirmohet si nënshkrimi më i shtrenjtë në historinë e Bundesligës gjermane dhe të bëhet lojtar i ri i Bayern Mynih-ut, njoftojnë mediat gjermane dhe angleze.
Siç raportohet, Bayern dhe klubi anglez i Premierligës Tottenham Hotspur kanë rënë dakord për një transferim prej 110 milionë eurosh, i cili me bonuse shtesë mund të shkojë në 120 milionë, për sulmuesin 30-vjeçar që ishte objektivi kryesor i kampionëve të Gjermanisë për këtë sezon.
Kane do t’i nënshtrohet ekzaminimeve mjekësore në Mynih dhe e përditshmja gjermane Bild njoftoi prezantimin e tij të shtunën përpara ndeshjes së Superkupës së Gjermanisë në të cilën Bayern do të ndeshet me Leipzig për trofeun e parë të sezonit të ri.
Udhëheqja e Tottenhamit ishte këmbëngulëse në negociata dhe pranoi vetëm ofertën e katërt të Bayern-it, duke ditur se në të kundërtën në fund të këtij sezoni, klubi mund të mbetet pa dëmshpërblim për lojtarin që ka qenë shenjë dalluese e skuadrës nga veriu i Londrës për vite.
Asnjë trofe
Kane ka luajtuar 435 ndeshje për Spurs duke shënuar 280 gola, duke qenë golashënuesi më i mirë i klubit në histori. Ai është edhe golashënuesi më i mirë i kombëtares angleze me 58 gola.
Mirëpo, as me klubin dhe as me kombëtaren nuk arritur të fitojë ndonjë trofe deri më tani, një shans që mund t’i jepet me gjigandin e futbollit gjerman. Me Tottenham u mund në finalen e Ligës së Kampionëve në vitin 2019 nga Liverpool dhe dy herë ishte në finalen e Kupës së Ligës vendase. Në vitin 2021, me kombëtaren e Anglisë, ai humbi finalen e Kampionatit Evropian 2020 nga Italia me penallti në Wembley.
Bayern shpreson të gjejë te Kane një zëvendësues të denjë për Robert Lewandowskin, i cili u transferua te Barcelona 12 muaj më parë. /tesheshi.com/
