Kanabisi dhe krimi i lidhur me të, i kanë marrë jetën një efektivi policor në Lezhë. Autor është një i ri, i cili qe në arrest shtëpie, nën akuzën e trafikut të drogës.
Aldo Rama, 21 vjeç, ka qenë në makinë, jashtë banesës së tij. Shefi i krimeve, oficeri dhe një polic tjetër, do bënin kontroll në banesë, (ndoshta kanë pasur informacion që ka thyer arrestin). Por sapo kanë shkuar, nga makina, 21-vjeçari ka hapur zjarr direkt duke lënë të vdekur oficerin.
Fillimisht u raporua se një grup efektivësh të anti-drogës në Policinë e Lezhës po kontrollonin gjatë orëve të para të mëngjesit në zonë e Vainit, kur janë sulmuar me breshëri armësh zjarri nga trafikantët. Për pasojë i vdekur ka mbetur oficeri i krimeve Saimir Hoxha, 45 vjeç, trupi i të cilit është gjetur nga kolegët e tij në një kanal të zonës.
Autori Aldo Rama, i dënuar më parë për prodhim dhe shitje të narkotikëve dhe mbajtje pa leje të armëve të ftohta, është larguar me automjet nga vendngjarja
Polici 45-vjeçar mendohet se është qëlluar nga një distancë e afrët duke humbur jetën në mënyrë të menjëhershme. Ai dyshohet se kishte informacione se brenda lagunës Kune-Vain kishte kultivim të parcelave me kanabis.
Hoxha ishte me origjinë nga Puka dhe prej vitesh ishte punonjës policie në Lezhë dhe Shëngjin. Ai ishte baba i dy fëmijëve, dhe jetonte në Tiranë.
Për ngjarjen janë shoqëruar disa persona. /tesheshi.com/
