Me një kalendar të ngjeshur tradicionalisht në ditët e ndërrimit të viteve, në Premier League nuk bëhet përjashtim as këtë herë.
Ndërsa në fillim të javës që po mbyllet u luajtën ndeshjet e javës së nëntëmbëdhjetë, sot e nesër do të zhvillohen dhjetë takimet e javës së njëzetë.
Ndryshe viteve të shkuara, kur ka patur gjithmonë një skuadër më të spikatur në luftën për titull, bukuria e këtij sezoni qëndron në faktin se pretendentët janë shumë për shkak të nivelit të tyre thuajse të barabartë.
Surpriza është Leicester City, një ekip që luan ngahera për mbijetesë, por që tani e sheh veten në krye të kampionatit anglez, me 39 pikë, po aq sa Arsenali. Ky i fundit, së bashku me Manchester City-n, Tottenham Hotspur-in, Manchester United-in e Liverpool-in, janë të tërë në luftën për titull. Mes tyre nuk gjendet Chelsea, me formën katastrofike këtë sezon, me nëntë humbje në 19 ndeshje, me vetëm 20 pikë e një vend të 14-të aktualisht.
Sot do të luhen tetë ndeshje, si më poshtë:
West Ham United – Liverpool
Sunderland – Aston Villa
Leicester City – AFC Bournemouth
Arsenal – Newcastle United
Norwich City – Southampton
West Bromwich – Stoke City
Manchester United – Swansea City
Watford – Manchester City
Për t’u pasuar nesër nga dy takimet e fundit:
Crystal Palace – Chelsea
Everton – Tottenham Hotspur
/tesheshi.com/
