Të gjithëve na ka ndodhur të harrojmë një tavë në furrë, e kjpo e fundit të digjet, ushqimi të derdhet të vlojë duke e ndotur furrën në atë pikë sa ju të mendoni se nuk do të pastrohet kurrë!
Natyrisht, pastrimi i furrës kthehet në një domosdoshmëri, pas “incidenteve” të tilla, pasi në të do të piqni sërish pa e pastruar do të digjet edhe më keq!
Nëse nuk dëshironi të “mbyteni” teksa pastroni sobën me detergjentët e ndryshëm plot me kimikate, provoni këtë pastë natyrale që do të shkëlqejë sobën tuaj sikur të ishte e re.
Ajo që ju nevojitet është ujë, sode buke,uthull, një enë e cila mund të futet në furrë dhe të durojë nxehtësinë dhe një sfungjer.
Përzieni dy gota ujë me 3 lugë sodë buke dhe dy filxhanë uthull molle. Merrni një sfungjer dhe me të spërkateni këtë përzierje në sipërfaqen e sobës.
Pjesën e mbetur futeni në furrë dhe ndizeni këtë të fundit për 45 minuta në 100 gradë. Pasi të ketë kaluar kjo kohë do të shihni sa me lehtësi me ndihmën e një lecke do të pastrohet soba./tesheshi.com/
