Uashingtoni fton për garë ata profesionistë që mund ta shohin veten në Byronë Kombëtare të Hetimit.
Sipas amerikanëve, aplikantët duhet të përmbushin standardet e tyre të larta të zhdërvjelltësisë mendore dhe aftësisë fizike, të ngjashme me ato të FBI.
Pjesë e BKH janë bërë 29 hetues, të cilët kanë filluar punën, por që duhen edhe 31 të tjerë për të plotësuar numrin e plotë .
“Keni ëndërruar gjithnjë të bëheni si një nga agjentët e FBI-së? A mendoni se keni atë që duhet? Tani është mundësia juaj! Byroja Kombëtare e Hetimeve ka hapur një tjetër thirrje aplikimesh për hetues. BKH-ja po kërkon gra dhe burra nga një gamë e gjerë prejardhjesh profesionale, të cilët mund të përmbushin standardet e tyre të larta të zhdërvjelltësisë mendore dhe aftësisë fizike, të ngjashme me ato të FBI”, shkruan ambasada amerikane në FB.
Sipas saj, ëshët fjala për një skuadër elitare që do t’i tregojë vendin së keqes në vend.
“Bashkohuni me këtë skuadër elitare në luftën kundër korrupsionit dhe krimit të organizuar në Shqipëri. Nëse keni aplikuar në raundin e parë, aplikoni përsëri! Përvoja juaj, aftësia për t’u përmirësuar dhe dëshira për të shërbyer vetëm do t’ju ndihmojnë. Aplikoni tani!”, thuhet nga “Rruga e Elbasanit”. /tesheshi.com/
