Një video e paraqitjes së Papa të ri Leo XIV në Romë ka shkaktuar debat të ashpër në internet, me përdoruesit e mediave sociale që spekulojnë se ai qëllimisht injoroi një person që mbante një flamur shumëngjyrësh – ndoshta një flamur LGBTQI – ndërsa hynte në Sallën Pali VI në Vatikan.
Kjo ndodhi të hënën, më 12 maj, gjatë një seance dëgjimore të Papës me 6,000 përfaqësues të medias. Ndërsa Papa ecte përmes radhëve të spektatorëve, duke përshëndetur dhe duke shtrënguar duart, ai shihet në video duke ndërruar anë, duke shmangur dikë që mbante një flamur shumëngjyrësh.
Fragmenti u bë menjëherë viral, duke shkaktuar interpretime dhe polemika. Shumë përdorues e konsideruan atë si një flamur të lëvizjes LGBTQ+ dhe e përshkruan veprimin e Papës si “shpërfillje të paramenduar”.
🔥🚨BREAKING: Newly elected Pope Leo XIV intentionally ignored an LGBTQ 🏳️🌈 rainbow flag by looking the other way when he approached it. pic.twitter.com/UM0SBbyrYd
— Dom Lucre | Breaker of Narratives (@dom_lucre) May 12, 2025
Të tjerë, megjithatë, vunë re se flamuri që shihet në pamjet filmike nuk është Pride, por “PACE”, flamuri i njohur italian pacifist me ylberin dhe fjalën “paqe”, i cili është përdorur që nga viti 1961. Selia e Shenjtë nuk ka komentuar zyrtarisht mbi videon apo spekulimet përkatëse.
Gjatë fjalimit të tij, Papa Leo XIV iu referua lirisë së shtypit dhe bëri thirrje për lirimin e gazetarëve të burgosur në të gjithë botën. Ai deklaroi mbështetjen e Kishës për “betejën për të vërtetën” dhe miratoi një ton unifikues, duke dënuar retorikën pasionante dhe përçarëse.
Në mbyllje, ai citoi fjalët e paraardhësit të tij, Papa Françeskut: “Çarmatosni komunikimin nga të gjitha paragjykimet dhe urrejtjet… Dëgjoni zërat e të dobëtve, ata që nuk kanë zë. Le t’i çarmatosim fjalët, për të ndihmuar në çarmatosjen e botës”. /tesheshi.com/
