Situata në Jemen bëhet gjithnjë e më shumë eksplozive. Siç bën të ditur BBC, trupat e Presidentit legalisht të zgjedhur Ali Abdullah Saleh, u kanë hequr kontrollin e aeroportit kryesor ndërkombëtar, atë të kryeqytetit Sanah, rebelëve Huthi.
BBC, duke iu referuar korrespondentit të televizionit Al Arabiya, thekson se rebelët që mbështetën nga Irani janë përçarë ndërmjet tyre.
Jemeni është edhe një “mollë sherri” në Lindjen e Mesme ndërmjet Arabisë Saudite dhe Iranit, të cilat kanë acaruar marrëdhëniet prej dy vitesh.
Zhvillimi i sotëm pritet të rihapë politikisht krizën e Jemenit në një kohë me atë të Sirisë. Por duket se Irani ka hequr dorë nga mbështetja direkte e rebelëve Huthi me çmimin e shpëtimit të Bashar al Asadit në Siri.
Dy javë më parë, Teherani deklaroi hapur se e dënon sulmin me raketa nga Jemeni në Riad, që e bënë forcat e grupit Huthi.
CIA amerikane bëri të ditur në atë kohë se ai bombardim ishte një sinjal se forcat e fuqishme të Gardës Revolucionare të Iranit, të cilat kanë luftuar edhe në Siri edhe në Jemen, kanë nisur të kryejnë veprime kundër administratës Trump. /tesheshi.com/
