Më shumë se 36,000 njerëz u zhvendosën nga përmbytjet në rajonin Emilia-Romagna që kanë vrarë deri më tani 14 njerëz, kanë shkaktuar qindra rrëshqitje dherash dhe dëme të mëdha dhe për shkak të kësaj fatkeqësie natyrore të paparë në Apenine, kryeministrja Giorgia Meloni ndërpreu pjesëmarrjen e saj në samitin e G7 në Hiroshima për t’u kthyer në vend.
Reshjet e dendura të shiut i kanë shndërruan qytetet në lumenj. Për shkak të reshjeve të vazhdueshme, autoritetet rajonale kanë zgjatur deri të dielën alarmin e kuq të motit.
Kryeministrja Meloni njoftoi të shtunën, më 20 maj, se po largohet herët nga samiti i grupit G7 (vendet më të zhvilluara industrialisht në botë), që po mbahet në qytetin japonez të Hiroshimës dhe po kthehet në Itali për shkak të fatkeqësia natyrore.
“Sinqerisht, nuk mund të qëndroj aq larg jashtë Italisë në një kohë kaq komplekse”, tha ajo në një konferencë për shtyp.
Një helikopter me katër persona, të cilët po merrnin pjesë në përpjekjet për të rivendosur furnizimin me energji elektrike në zonat e përmbytura, u rrëzua pranë qytetit të Lugos, duke plagosur një prej tyre, thanë zjarrfikësit.
Përmbytjet kanë shkaktuar më shumë se 350 rrëshqitje dheu dhe kanë dëmtuar ose mbyllur më shumë se 500 rrugë në rajon. /tesheshi.com/
