Një ngjarje e rëndë është shënuar në Padova një ditë më parë, me protagonist një emigrant shqiptar, 20 vjet në Itali, ish-mësues matematike në Shqipëri.
Haxhi Çollaku, 55 vjeç, humbi jetën nga disa plumba të policisë italiane, pasi tentoi t’u merrte jetën pikërisht dy policëve në shtetin tej Adriatikut.
Ngjarja u shënua pasditen e së premtes, kur shqiptari ishte ndaluar me furgonin e tij poshtë shtëpisë së ish-bashkëshortes, divorcuar me të. Për arsye se ndaj tij kishte urdhër largimi nga banesa bashkëshortore, si dhe nga një telefonatë e së bijës në polici, efektivët kanë shkuar aty por duke u ballafaquar me reagimin e dhunshëm të shqiptarit. Viktima sulmon dy policë, njërin duke e përplasur me makinë dhe tjetrin duke tentuar ta godasë me thikë, gjë që çon në plumba policorë ndaj tij me pasojë humbjen e jetës.
Kjo është drama e radhës në emigracionin shqiptar në Itali, ku ndodh të ketë dhe krim brenda familjes. /tesheshi.com/
