“Do të duhet pak kohë derisa të shohim që kjo valë dhune që ka prekur zonën më të gjerë të Stokholmit të zvogëlohet,” tha shefi i policisë suedeze Anders Thornberg në një konferencë për shtyp pasi 11 persona, disa prej të cilëve ishin kalimtarë, u vranë në kryeqytetin suedez ditët e fundit. Ata ishin viktimat e valës së fundit të përleshjeve mes bandave suedeze të rrugës.
Ndërsa mediat botërore po raportojnë masivisht për luftën në rrugët suedeze dhe “perëndimin e egër” në “vendin e lirë evropian”, Thornberg konfirmoi se në Suedi “nuk është kaluar një kufi, por disa” dhe se dhuna ka gjasa të vazhdojë.
Se situata është “shumë e rëndë” vërtetohet edhe nga njoftimi i kryeministrit suedez Ulf Kristersson se do të dërgojë ushtrinë në ndihmë të policisë dhe sistemit gjyqësor.
“Nuk mund të theksoj sa e rëndë është situata. Ne kurrë nuk kemi parë diçka të tillë dhe nuk po ndodh në asnjë vend tjetër evropian,” tha Kristersson në një fjalim dramatik drejtuar kombit të enjten, më 28 shtator, pas trupat e fundit u hoqën nga rrugët e Stokholmit, dhe të mitur të rinj u arrestuan dhe u dërguan në polici.
Rrjeti kriminal Foxtrot, i kryesuar nga kurdi irakian Rawa Majid, një 37-vjeçar i rritur në Uppsala, besohet të jetë përgjegjës kryesor për valën e fundit të sulmeve në Suedi.
Dhe kjo është ironia e madhe e kësaj që po ndodh në vendin skandinav po të kihet parasysh që Turqia, në kushtet ndaj Suedisë mbi pro-në e saj për NATO, i kërkonte dënimin e elementit terrorist kurd që ajo strehonte. E jo vetëm kaq. Ky kurd famëkeq mendohet se tashmë fshihet në Turqi.
Gjëja më domethënëse për rrjetin që ai drejton është se ai njihet për rekrutimin e shumë të rinjve, kështu që në luftërat e rrugëve të bandave suedeze autorë dhe viktima janë shumë shpesh të rinjtë e moshës 13, 14, 15 apo 16 vjeç.
Majid u largua nga Suedia në vitin 2018 pasi filloi të merrte kërcënime me vdekje. Mirëpo, nga jashtë, ai u imponua si kreu i një bande me të cilën përballen brutalisht konkurrentët apo ish-anëtarët dhe disidentët.
Që nga viti 2020, ai është në listën e kërkimit ndërkombëtar për trafik droge dhe krime të dhunshme. Ai ka jetuar në Irak dhe Turqi dhe në vitin 2020 ka siguruar një pasaportë turke.
Policia suedeze u përpoq të siguronte arrestimin dhe ekstradimin e tij, por dyshohet se informacioni për aksionin ka rrjedhur dhe ka arritur te Majid. Për shkak të tij, në fillim të këtij viti pati fërkime mes qeverive në Stokholm dhe Ankara, por deri më tani nuk ka asgjë nga burgimi i bosit të Foxtrot. Sipas policisë suedeze, burgjet suedeze janë plot me mbështetës të tij dhe anëtarë të bandave të tjera.
Vetë Rawa Majid u dënua për herë të parë për krim kur ishte 19 vjeç. Bëhej fjalë për kontrabandë cigaresh dhe vjedhje. Majid fillimisht ra në konflikt me bandën Vårby nga lagjja me të njëjtin emër në komunën Huddinge në periferi të Stokholmit. Atentatet e para u kryen rreth vitit 2020. Një bandë tjetër me të cilën ai shkoi në luftë ishin Bandidos.
Majid është në konflikt edhe me rrjetin kriminal nga Dalen, me në krye Mikael Tenezos, i njohur më mirë me pseudonimin Grk. Nofka e Majidit është “Dhelpra kurde”. Lufta me bandën Dalen filloi për marrjen e tregut të drogës në qytetin e Sundsvall. Tregu i drogës është arsyeja kryesore për luftën e madhe të bandave. Sipas burimeve suedeze, klientët janë kryesisht anëtarë të tjerë të botës së krimit, ndonëse llogaritet se disa për qind e popullsisë suedeze përdor lëndë narkotike, ku më e njohura është kanabisi.
Krerët e policisë suedeze dhe përfaqësuesit e prokurorisë u thanë qytetarëve të acaruar në një konferencë se “punojnë ditë e natë”, se arrestimet dhe sekuestrimi i armëve, drogës dhe parave të përfituara në mënyrë të paligjshme ndodhin gjatë gjithë kohës, ashtu si parandalimi i sulmeve nga anëtarët e bandave të konfliktit, por që situata është e tillë që do të “koordinim dhe angazhim të domosdoshëm të gjithë shoqërisë”.
Policisë i mungojnë burimet, njerëzit për të monitoruar zonat problematike dhe për të ndjekur anëtarët e bandës dhe për të mbledhur prova.
Dhe ndërsa bandat, dhuna dhe krimi po lulëzojnë në pjesë të tjera të Evropës, Suedia është gjithashtu specifike në atë që të rinjtë, ndonjëherë jo më të mëdhenj se 15 vjeç, kryejnë me gatishmëri likuidime për krerët e bandave, në të cilat njerëz të pafajshëm që e gjejnë veten “në vendin dhe kohën e gabuar”.
“Kemi raste të fëmijëve që kontaktojnë vetë bandat për t’u ofruar për të kryer vrasje,” tha Thornberg. Sipas informacioneve nga autoritetet, është e nevojshme të ndalet rekrutimi i të rinjve dhe së fundi të bëhet më shumë për të rritur standardet në lagjet kryesisht të varfra me emigrantë, ku të rinjtë braktisin shkollën dhe janë të uritur për “gjueti të shpejtë” dhe simbole statusi.
Sot u njoftua se sipas një ligji të ri, policia do të konfiskojë asetet luksoze nga anëtarët e arrestuar të bandës për të reduktuar apelin e tyre ndaj të rinjve pa perspektivë në jetë.
“Do të jetë e nevojshme të koordinohet më mirë bashkëpunimi me shërbimet sociale dhe të largohen fëmijët nga rrugët gjatë natës”, thanë ata në konferencë. Për të proceduar sa më shpejt çështjet, prokurorët nga pjesët e tjera do të vijnë në Stokholm për të ndihmuar kolegët e tyre në kryeqytet. Duket se rrjeti i Majidit shtrihet edhe në Norvegji, për këtë arsye ata erdhën nga Norvegjia për t’u takuar me kolegët e tyre suedezë në Stokholm.
Shefi i policisë së Stokholmit Mattias Andersson paralajmëroi qytetarët se “nuk ka zgjidhje të shpejtë” dhe tha se “e kupton zhgënjimin e publikut” sepse “kështu nuk duhet të funksionojë shoqëria”. “Ne nuk duhet të kemi të rinj të moshës 13 apo 14 vjeç që gjuajnë në dyer me automatikë ushtarakë ose vrasin njëri-tjetrin në rrugë,” tha Andersson.
Dhe ta mendosh që e gjitha kjo ndodh në një prej vendeve më standartin më të lartë të jetesës në Europë e me gjerë në planet, ku mendohet se shteti e shoqëria funksinojnë në perfeksion dhe harmoni. /tesheshi.com/
