Agjencia e lajmeve FARS lajmëroi se Irani do të caktojë si ambasadore jashtë të parën femër që nga revolucioni islamik i 1979-s, por pa bërë ende të ditur vendin ku do të shërbejë.
Posti do të jetë për zëdhënësen e Ministrisë së Punëve të Jashtme, Mardije Efhamin, një prej femrave më të spikatura të Iranit.
Ky emërim do ta bënte Efhamin të dytën femër ambasadore në historinë e Iranit. Një tjetër grua që e ka mbajtur këtë post ka qenë Mehrengiz Dolatshahi, e cila shërbeu si ambasadore në Danimarkë gjatë viteve 1970.
Presidenti Hasan Ruhani pati premtuar gjatë fushatës së tij elektorale në vitin 2013 se do të punonte për përmirësimin e të drejtave të grave, dhe ky duket se është një prej hapave në këtë drejtim.
Mahmud Ahmedinexhad, pararendësi i Ruhanit, pati caktuar në 2009-n të parën ministre femër të Iranit. /tesheshi.com/
