Eshtë artikluar më në fund një ndjesë nga ana e kreut demokrat Basha lidhur me të kaluarën qeverisëse të PD-së, pothuajse tërësisht e munguar në ligjërimin e tij. Fjala është për pronat, ku PD ka firmën dhe në ligjin famëkeq 7051.
“Në nisje të debatit poliik për këtë çështje e kam thënë dhe do e them: ju lutem pronarëm pranojeni këtë dhe si ndjesë në emër të PD për vonesat për problemet me të cilat jeni hasur në kalvarin tuaj 30-vjeçar edhe për shkak të vendimeve tona të vonuara”, tha Basha në prezantimin e programit mbi pronat, në kompeksi i shoqërisë.
“Koha që ka rrjedhur jo vetëm që si ka shëruar plagët por i ka bërë ato dhe më komplekse. Proceset e lëvizjeve demografike kanë shkaktuar ndryshime në zona rurale dhe urbane”, pranoi Basha.
“Edhe pse disa prej shtrembërimeve të mos kishin ndodhur gjatë qeverisjes tonë kjo do ishte një ndjesë e merituar sepse ne u kemi dalë zot dhe do u dalim deri në fund pronarëve dhe të përndjekurve politikë”, theksoi i pari i opozitës.
Por për të, 25 prilli do jetë ardhja e një kohe të re dhe në këtë drejtim.
“Ju siguroj sot ju dhe të gjithë ata përfaqësues që s’na ndjekin për shkak të masave anti-COVID dhe çdo pronar shqiptar, se pas 25 prillit qeveria e zgjedhur me votën tuaj do kemi vullnetin që ndjesën për vonesën dhe moszgjidhjen e probleme ta kthejnë në plan konkret”, tha Basha. /tesheshi.com/
